今天去左行山
日期改左又cancel, 到琴晚又confirm去=.=
太即興, 得我同ryan兩個人去, 都有d驚有咩意外
今次約左1點係diamond hill等=.=
未試過咁遲先去行山, 去到起點成3點啦, 驚行到夜晚都未行完-0-
今次行麥徑第3段, 網上資料說是整條麥徑最難係呢段, 900米高ge大帽山都行到, 呢段最高都係得400米應該沒問題

不過今日好大霧, 初初係青衣望唔到大帽山, 以為係空氣差
點知去到西貢竟然白矇矇一片@@
一開始上山, 就見到d霧係度飄~ 又d進入仙境ge感覺~
越上得高感覺越正, 不過能見度得10米左右
望去山路旁邊, 一片白色, "差"錯腳真係冇命=.=
由於大霧, 再加埋d細雨, 成身都濕曬; 濕度高, 行到成身汗, 又evaporate唔到, 好唔舒服-0-
沿路鮮綠色的植物又真係讓人感到生機勃勃
初初以為3點幾已經冇咩人會行, 點知沿路見到不少人士去camp.
不過咁濕ge日子去camp, 玩得開心咩?=.=

講番呢條徑, 分差路好多, 指示牌有d唔清楚, 好彩有熱心人留下方向記號先唔使迷路
高度雖比大帽山低一半有餘, 但一開始就要怒上400米梯級, 真係有d難度
同埋d 梯級唔係個個都完整無缺, 好多都被雨水沖剩d 石頭
係碎石上爬上爬落, 真係幾刺激, 呵~~~
落山果陣都跑落去, 雖然有d危險, 其實比起一步步行來的輕鬆@@

一開始是爬400米, 但之後都係直路同少少上落, 如果冇左d霧, 景色一定不錯.
行到後段, 跨過"雞公山"就完結. 沒想到又要怒爬400米, 爬完即刻喪落400米.
@@(fuck!!)
一d都唔好玩...早知係分叉路落山...建議各位朋友子唔好行"雞公山"...

行完10公里, 只用左3個鐘, 比網上資料快成個鐘咁多, 可能天氣冇咁熱, 而我地又跑落山ge關係啦....哈~~
整體說, 霧中行山都係一次幾新鮮的經驗. 等下次天氣好d再去先得...